另一場八強直播波，曼聯主場對布力般流浪，樂比仔冷敲「讓球客勝」。曼聯領隊費格遜近期係咁呻，話雖然佢係「紅魔鬼」，但「魔鬼」賽程一樣令佢吃不消，隨住車路士同利物浦本周聯賽相繼失分，第三位曼聯漁人得利，呢個盃仔不如益「徒弟仔」恩斯好過！（now 671周四凌晨４時直播）
英聯盃踢到八強階段，對呢個盃冇乜興趣曼聯未必想再晉級，事關英聯盃四強要踢兩回合，如曼聯晉級話，下半季賽程肯定逼爆，所以曼聯今場決心有幾大，請大家自行評估。
布力般重視英聯盃
其實曼聯對待英聯盃態度，大家都有眼睇，上圈對住英冠球會昆士柏流浪都係憑十二碼險勝一比○晉級。至於上屆同前屆則畀低組別球會高雲地利同修安聯淘汰。
布力般流浪連輸四場，英聯盃係佢翻身好機會，上兩圈布力般對住愛華頓、新特蘭兩支咁硬淨球隊都近乎夫添出戰，最終贏波晉級，今場對住「曼聯二隊」，贏埋唔奇