韓職六強賽總決賽首回合今日開打，FC首爾主場迎戰水原藍翼，基於今季六強賽攤路明顯，第一圈至到準決賽場場開細，足證參戰球隊心態保守，寧願求和在先，最多同你加時或者互射十二碼先分高下。總決賽變為兩回合，令加輝更有信心兩軍到次回合先搏命，所以今場就算賠率低都要揀細。（周三晚7時開賽）
六強戰四場全開細
有睇過《大長今》、《醫道》等著名韓劇朋友都知道，韓國人出名忍得，就算含冤受屈一生忍辱負重又有何難？性格決定命運，今季六強賽中，由第一圈到準決賽四場賽事中，法定時間全部開細，更有三場要踢至加時，足證韓國人淘汰賽都忍住唔攻，喜愛最後一刻先分勝負，今場仲要只係首回合，梗係勒住先喇！
另方面，兩軍實力相若，所以近年對賽都係悶戰居多，冇乜入波睇，兩軍今季四次對賽全部開細，往績都支持，入球細實屬不二之選。正如之前所講，踢法保守「半場和」亦值得考慮。