今晚歐協盃F組阿士東維拉主場對斯利納，維拉多一分都夠出線，戰意有限；對家斯利納必須要贏先有機會晉級，奈何佢唔多識入波，兩隊上半場互交白卷機會唔細，2.3倍半場和有得諗！（開賽時間：周五凌晨3:45）
斯利納鋒力曳難入波
阿士東維拉目前F組兩戰全勝，餘下兩場只要多一分就已經夠出線，估計領隊奧尼爾未必會出正選。話時話，維拉都可算係一支慢熱球隊，事關開季至今十三場主場賽事，有十次換邊前同對手打和，預計呢場射手卡維因傷缺陣下，上半場踢法肯定會更加保守。
對家斯利納方面，暫時小組三戰只係得一分，今場一定要贏波先有機會出線，形勢上焗攻，可惜呢支自斯洛伐克球會，之前三場分組賽加埋只係入得一球咁大把，咁曳鋒力，就算對住半力出擊維拉都好難偷雞，半場和有2.3倍博得過！